Gjennomførte Mountain Rally

Daniel Holten og Sveinung Holten Leifsen kom seg i mål og blei nummer 50 under Mountain Rally.

Daniel Holten og Sveinung Holten Leifsen fekk ei grei gjennomkjøring under sitt aller første rally, Mountain Rally på lørdag, og enda til slutt på ein 50 plass totalt.
Likevel såg det litt stygt ut midtveis under den fjerde fartsprøva.
-Kjørte inn i ein stein og måtte ha hjelp for å få bilen laus, og me tapte vel rundt fem minutt på dette, seier Daniel Holten.
Sjølv om dei også øydela ein felg i denne hendinga kom dei seg til mål og inn til service og vidare til neste fartsprøve.
-Bilen fungerte sjølv om den ikkje har meir krefter enn den bør ha, men etterkvart som me vart betre kjend med konkurranseforma, og dette å køyra etter noter, gjekk det både betre og fortare.
Av dei 76 bilane som var påmelde vart Daniel og Sveinung nummer 50 til slutt.
-Nokre køyrde ut og andre fekk stopp, men det er no ein del av gamet.

Foto: Daniel og Sveinung – Mountain Rally

Daniel Holten og Sveinung Holten Leifsen i fint driv under Mountain Rally. Foto: Benjamin A. Ward

Avslutta med suksess

Johannes Holten Leifsen vart Vestlandsmester, Daniel Holten nummer fem i EM-finalen i Tsjekkia og Sveinung Holten Leifsen nummer fem på Vikedal Motorbane.

For Johannes blei det plankekøyring fordi han alt var Vestlandsmester før finalen på heimebane.
- Målet var nådd og det blei ikkje heilt optimalt i finaleløpet, seier han, som blei nummer fire. Johannes peikar på at dette var litt under den målsettinga om ein pallplass i finaleløpet.
-Men med ei punktering, ei snurring i alternativsporet såg eg etterkvart at det ville bli vanskeleg.
Også Sveinung Holten Leifsen koste seg i ein leigd Ford Escort på Vikedal Motorbane. Etter at han måtte stoppe i andre omgang på grunn av for varm motor fekk han ei fjerde tid i siste omgangen.
-Det blei litt tekniske problemer undervegs, men eg kom meg til A-finalen og eit bra resultat, seier han, som enda på plassen bak Johannes i rallycross nasjonal.

Etter at Daniel fekk alt på plass og kunne dra til Tsjekkia og EM-avslutning for hans del, blei det ein skikkeleg opptur der nede.
- At det skulle bli A-finale, i tillegg til ei tredjetid i første omgang,  er heilt optimalt på slutten av sesongen, seier ein svært godt nøgd Daniel Holten.
Det starta alt på treninga der han var heilt i toppen, og på tidskvalifiseringa var han oppe på ei sjettetid.
-Første omgangen la eit godt grunnlag, men i andre hadde eg eit uhell som kunne stoppa oss. Dyktige mekanikarar og god hjelp frå andre gjorde at me kom oss vidare og inn i A-finalen, forklarar Daniel.
Til slutt blei det femte spor i A-finalen, ein femte plass i finaleløpet og ein niande plass i EM-samandraget.
-Det er A-finalar eg køyrer for og er eg der er resten ein bonus, og for meg er dette resultatet og niande plassen samanlagt godt å ta med seg inn i vinterpausen.

Etter bilcrossfinalen i Vestlandsmesterskapet

på Vikedal Motorbane 2. oktober

Meir info: www.nmk-vikedal.net

Best i bilcross

Etter ein våt dag på Vikedal Motorbane kunne Gøran Spartveit og Joakim Bruland utropast til vestlandsmeisterar i bilcross.

I juniorklassen var det Thomas Nonslid, NMK Vikedal og Anders Hjelmås, NMK Bergen som kom på plassane bak Gøran Spartveit. Sidan Gøran alt hadde vunne juniorklassen før finaleløpet, valde han å køyre i seniorklassen under finalen.

-Det blei glatt og vanskeleg i dag og eg hadde ikkje fleire poeng enn til ein D-finale, og til slutt ein 18. plass i seniorklassen, seier Gøran, som likevel ikkje syns at det var særleg ulikt å køyre blant seniorane.
For han har målet denne sesongen vore å bli Vestlandsmester i juniorklassen.
-Det var målet og det greidde eg, og er eg veldig godt nøgd med det.

Til neste år kjem han til å halde fram i bilcross, men trur ikkje han kan gjenta suksessen der.
-Tar det litt roleg i høve til det, og satsar å ta stega vidare i den klassen gradvis.

Anders Hjelmås vann løpet i juniorklassen, føre NMK Vikedal-førarane Sondre Hundseid Eikeland og Håkon Tveit.

Over i rallycross
For Joakim Bruland blei det kamp heilt til finalane, før han var sikker på at han var mester.
-Hadde litt å gå på, men då eg vart trekt inn i A-finalen, etter at me var fleire på same poengsum, var det avgjort, seier han, som til slutt slo Knut Endre Ringhagen med 15 poeng.
I A-finalen kom ikkje Joakim heilt til mål.
-Hadde eigentleg godt feste og hang godt med i feltet, men til slutt stoppa vindusviskararen og då såg eg ingenting, og køyrde av banen, forklarar han, som no gir seg med bilcross.
-Syns det blir ganske dyrt, og på dei sju løpa som eg har køyrt i år har eg brukt rundt 20.000 i budgebyr, er mellom alle forklaringa på at han går over til rallycross neste år.
-Då blir det NSU igjen og Vestlandsmesterskapet i den.
Per Gaute Østbø, NMK Vikedal vann finaleløpet i Vestlandsmesterskapet, føre Karl Helland NAF Gjesdal og Jon Bjarte Aarekol, NMK Vikedal.

Før finalen i Vestlandsmesterskapet
Vikedal Motorbane, lørdag 1. oktober  kl 12.30.
LøpsInfo: www.nmk-vikedal.net

Joakim Rønnevik er klar for sesongavslutning og finalen i Vestlandsmesterskapet på Vikedal Motorbane.

Etter løpet på Dokka har bilen stort sett sått i garasjen og venta på dette løpet.
- Det har  ikkje vore så mykje å gjera med bilen, berre ein god service, seier Joakim, som til helga har sett seg som mål å dra i land Vestlandsmesterskapet i juniorklassen i rallycross.
-Må bli nummer to i klassen for å greie det.
Den første i rallycross sesongen har gått over all forventning, og målet før sesongen var å blanda seg inn litt i toppen.
- At det skulle bli gull i rallycross junior cup var stort, så heile sesongen har vore heilt topp, seier han.

Etter løpet i Vikedal neste skal bilen få ein sikkelig sjekk før sesongen startar igjen til våren.
- Neste år er igjen målet å kome på pallen i rallycross junior cup i tillegg til å delta på løpa på Vikedal Motorbane.

Meir info: kontakt: Joakim Rønnevik: tlf. 48244027

eller sjekk www.ronnevik-racing.com